حكاية الوردة والشارع من كلمات هاشم صديـق وأداء نانسي عجاج

 المطربة السودانية "نانسي بدر الدين عجاج"

الشاعر والمسرحي السوداني "هاشم صديق"

إنحنيت للورده 

 ما للريحْ
ولا سيف الخليفه
إنحنيت
لي بسمه صالحه

ودمعه صادحه
ولقمه مالحه
وراحه
في سُترة رغيفه
.......
لي قمر مدّ اللسان
بي طوله
للضلمه المخيفه
إنحنيت
بي كُلي لي جرحًا
بنافح
ولي وطن
فوق للمصالح
ولي صباح
وردي الملامح
ولي قلُب
أخضر مسامح
ولي سلام
إيدًا نضيفه
........
إنحنيت
بي كُلِّي
لي ستي الشوراع
ولي بلد
معشوق وفارع
لي عشم
من (جرحي) طالع
لي قلم
ما بخون ويبايع
ولي عيون
صاحيه وشريفه
........
إنحنيت أنا
للقطاطي
للمرافي
للمنافي
للسواقي
لي جَمُر والدنيا
زيفه
لي حروف
صابره وعفيفه.
.........
إنحنيت
بي كُلي
لي شعبي المناره
للمناديل
القناديل
المواويل
والجساره
ولي قلوب حاره
ورهيفه
......
إنحنيت للورده
ما للريح
ولا سيف الخليفه
......