فى عيونك - كلمات الشاعر أبا ذر الغفاري

 

في عيونك ضجة الشوق والهواجس...

ريحة الموج البنحلم فوقو بي جية النوارس...

يا ما شان زفة خريفك كل عاشق أدى فرضه...

ما في شمسا طاعمه طلت إلا تضحكى ليها برضه...

والغمام الفيك راحل فى الصنوبر يلقى أرضه...

والصباح امتد ياما كل ما جاوبتي نبضه...

في عيونك ضجة الشوق...

تشتهيك...

ياما نحلم نحكي ليك عن المسافه...

وعن سفن بالشوق بترسم في بحيراتك ضفافها...

عن ملامح غنوه طلت في عويناتك هتافها...

عن حقيقه نهاتي بيها في أساطير الخرافه...

في عيونك ضجة الشوق...

يا صباحات المواني...

حتى لو دربك ترنح فى مشاوير الأغاني...

والجرح ارتد بينا لي زمان الآهه تاني...

يانا لا بنتحاشى صدك...

لا بتموت فينا الأغاني...

يا غنانا المشتهنوا...

ياني موعود بي زمانك...

بي مواقيته البِرنوا...

بارتعاش صرخة وجودك..

يوم يطل ميلادي منه...

لما أتوسد صباحك...

ياتو ليل يفصلني عنه...