.jpg)
الشاعرة السودانية الشابة وئام كمال الدين
وزي عصفور صباحه بيعلن الفرحه
ويغني الريده لي شمسه
عروسه اللابسه من النور
ومن وهج الأمل طرحه
ولا شايل هموم بكره
ولا في ضغينه من أمسه
وصوته بجدد الآمال
ولا من يتعبه الترحال!!!
يوشوش للغصن تعبه
ويغرد بالخطر في البال
يسافر بي بي حلم مفرود
وموعد تاني للعوده
هو حر إحساسه ما محدود
وبنشد أحلى أنشوده
محل ما ريح خطاهه تقود
دروبه وترضي مريودها
بيقول موال!!!
وئــآآآآآآآآآآآآآآآآم كمال
ردحذفيا أنثى بقامة كل الجمال والخفق الجميل
ما بقدر أوصفك
لو أنزِف حِرُوف وأنثُر درر وأكُتبِك
ما بَقدر أطُوُلُ قدرِك وأنصفـِك
لو أودِعك قَلبي الرهيِف
وأغني ليك سَمح الغُنى وأسْتَعـذبك
ما بقدر أطول غَلاك
وأكتب غُناك و أستهِلمك
وكيفِن أوصِفك
وأنا مأسُور جلالك وحَظوتِك
كيف أقدر أنضُم بسمتِك
وأبقى ليك عِقيد زفاف وأجرتِقـك
ما إنتي حِفلك وقارك، وخَفرك حياكي وطلتك
من وين أجيب يا ست الحُنان بس سِلمِك
عشان أصَل للسِمـاك وأتامل جلالِك وروعتك
وأتوه أتوووه عبر المدى، وأرحل معاك وأستحلفِك
لوأخاصر طيفك في الخيال وألثُم ثِغيرِك وأحضُنِك
لكن من وين أقدر أجيب الوداعـة والتِحنان
وأرتَسمك في الضمير إنسان
وألازمِك في الخَفْقَة والمَيسان
وأدُق سَدّري وأقُول بريِدك وبعشِقك
مناي في الدنيا أغافل طيفك
اهيم وأناظر في حريرك مَخْملِك
وأتَّطْهَر وأغتَسِل بي نضارة بسمتك
شُفتي كيف عَصَفْ الِشجون
لمن يُثير قلباً حَنُون ولهان
عاشق أسير ..
شايل بينات كفيه ..
قلبو الوجيل
يستنطق إحساسو الجمل ويكتبك
ويِرحَل يهيم في الخيال يِتَمثـلِك
وأنتي فوق فوق قِمم بهاكِ ورُوعتِك
ما المولى أودع فيكي سِرو وأبدعِك
شان نَشقى نِحنا ونِنثلم ..
جوه الشِقَاف نَسقِية ريِدِك ونشتِلك
ما بنلحقك لو رِكبنا بُساط الريح
وطوعنا الجِناح أكيد ما بِنقدر نَوصلِك
ولو نَوصلك كيف الأمير يوازي الملك
ما قُلتَ ليك ما بقدر أوصِفِك
ألحبوب
HALABISH4@GMAIL.COM
السلام عليكم ورحمة الله تغالى وبرااته
ردحذفأســعد الله نهارك جميعا
صنع السلام في بلادِ المَحبِة والوِئام
والحبُ يامُبدِعةَ الحرفِ الحُسَام
سيظلُ في كلَ المحافَلِ أعلى وِسام
أما ليّ العُذُر ... إن خَفْـقَ قلبي المُستهام
وأحبِــك نـِــداء
أحب فيك لباقتَك هَمسات حِروفِك
وخَفْرَ الِعُيون
حِضُور الِحس الزمان فَجر الكِتابة
ونهج الصحابة حجر الأساس
وأحبك نجابة وإنسان تماس
وإيقاع حياة وتواقيع حواء المُهابة
وأحبك رجاء وشرف إنتماء
في زمنِ التعري وإنحِسارِ الحياء
في الزمنِ الكآبه وعِبآت الرياء
وأحبك صفاء وإخـــلاص عَميِق
وَكـــوثَــر نمـاء
شَرافة قبُولك إكِسير للحياة
يا ألق حِس المهابة .. وسِحر الحياة
وأ حَبِك رجاء
مبادئ رسالة وأطواقَ نجاة
وأحبك حُضن دافي
عواسِل شُهدِ صافي
نِغيمًا ولُوف ..
وكسِيِرة ِطِريف
بِحار سعادة وُضُلاً وِريِف
وأحبك هَداوة تَهدي الِنفُوس
وأحبك طِقُوس
للنَشامة تهد دابرالغَشامة
وقتامة ِفكر بائِد
من صُنع الِمجُوس
وأحب فيك نَقاوِتِك
سفاِئن الِوصول
منارات المواني
وألق المعاني
سْحَائِب الهِطُول
وأحبك فهِيمة .. وبنِيةً عظِيمة
تدي النشئ قِيمة .. وصَانِعة رِجال
وأحبكِ حَضارة ..
وأحبكِ سِلوُك
خَفْر الحَوارِي ..
غنج الجَواري
ونداوات الِملوك
وأحَبْ فيك هَداوتِك ..
قسماتِك نداوِتِك
والنُون الِوسام
والْثقَر الضَحُوك
لاِمْن ِيدوزن عِطير الكلام
وأحب فيك صراحة
الرِقة والأدب الرفِيع صُنع البديع
والوجه الِمنِور البغير مِنهُ الربيع
وأحب فيك فِتون فيِوض مِن كلِ لُون
الطَرفْ البيدمِع والُحبَ الجِنُون
وِصيد العِيُون والهمس الحَنُون
وأحبِك عظيمة
تِقيم للرُوح مكانة وتَصُون العرض أمانه
تتحتاشى المهانة وتتزين بالرزانة
وأحبك حِضُور
وأحبك مَماس وأحبك تَماس
دُعاشت خَرِيف مِن غِير ُرشاش
وأحبك غناوي
في ساحة النِضَال
تشد عزائم الِرجَال ..
في يوم السِجال
الحـــــــبوب HALABISH4@GMAIL.COM
الى شــاعرة الخقق الجميل ...
ردحذفالصراح والنجابة
الخفر والقاسمة
والكرز العسيل ..
يتزرف درر .. وغيثا هميل
ويا قلبي الوقف وريقي النشنف
أقيف في الشاحة دق ســدرك
تعال بي الدرب العــديل ..
والله ضحوكا
يـا عسولة وطعمك سكر
ومرة رهيبها وعطرك صندل
كلما ما تهلي بريدك أكثر
أصلو البينا مكتوب ومسطر
والله ضحوكا وطعمك سكر
ومرة خلوقها وسمحة معشر
يا نضار شيبون الصافي مجمر
العشق الأزلي الأشرق فينا وقيل
إنتي آخر وإنتي أول
يذوي بريق التبر أمامك مهما إتجمر
إنتي الدُخري الما بتبدل
وإنتي الحب الناغم وبشر
الفي جواكي ما بتغير
والله ضحوكا وطعمك سكر
مرة جميلة وأنقى وأطهر
إيه اللولي حِداك وإيه المرمر
ضاوي سفيرك أضوى وأنضر
وإنتي النخلة الشامخها مهابة
نضيد قُنديلك بتَق وأزهر
وخايل فيكي اللون الأسمر
وفيكي عيون بتشيق المنظر
والله ضحوكا وطعمك سكر
دوام بسـامها وحالك زينة
تسلمي لينا ويسلم ريدك
المحقون بي سحائب الشوق
اللملم َدرُ حلمات حِـنْ
وظلل فينا ومطر
الحبوب
وئــآآآآآآآآآآآآآآآآم كمال
ردحذفيا أنثى بقامة كل الجمال والخفق الجميل
ما بقدر أوصفك
لو أنزِف حِرُوف وأنثُر درر وأكُتبِك
ما بَقدر أطُوُلُ قدرِك وأنصفـِك
لو أودِعك قَلبي الرهيِف
وأغني ليك سَمح الغُنى وأسْتَعـذبك
ما بقدر أطول غَلاك
وأكتب غُناك و أستهِلمك
وكيفِن أوصِفك
وأنا مأسُور جلالك وحَظوتِك
كيف أقدر أنضُم بسمتِك
وأبقى ليك عِقيد زفاف وأجرتِقـك
ما إنتي حِفلك وقارك، وخَفرك حياكي وطلتك
من وين أجيب يا ست الحُنان بس سِلمِك
عشان أصَل للسِمـاك وأتامل جلالِك وروعتك
وأتوه أتوووه عبر المدى، وأرحل معاك وأستحلفِك
لوأخاصر طيفك في الخيال وألثُم ثِغيرِك وأحضُنِك
لكن من وين أقدر أجيب الوداعـة والتِحنان
وأرتَسمك في الضمير إنسان
وألازمِك في الخَفْقَة والمَيسان
وأدُق سَدّري وأقُول بريِدك وبعشِقك
مناي في الدنيا أغافل طيفك
اهيم وأناظر في حريرك مَخْملِك
وأتَّطْهَر وأغتَسِل بي نضارة بسمتك
شُفتي كيف عَصَفْ الِشجون
لمن يُثير قلباً حَنُون ولهان
عاشق أسير ..
شايل بينات كفيه ..
قلبو الوجيل
يستنطق إحساسو الجمل ويكتبك
ويِرحَل يهيم في الخيال يِتَمثـلِك
وأنتي فوق فوق قِمم بهاكِ ورُوعتِك
ما المولى أودع فيكي سِرو وأبدعِك
شان نَشقى نِحنا ونِنثلم ..
جوه الشِقَاف نَسقِية ريِدِك ونشتِلك
ما بنلحقك لو رِكبنا بُساط الريح
وطوعنا الجِناح أكيد ما بِنقدر نَوصلِك
ولو نَوصلك كيف الأمير يوازي الملك
ما قُلتَ ليك ما بقدر أوصِفِك
ألحبوب
HALABISH4@GMAIL.COM