موضوع للنقاش الجاد
~~~~~~~~~~~~~
صحيفة سودانية تفترض أن نصف عدد السودانيين يعتبر من المجرمين ويدخلون السجون سنويا مرة واحدة على الأقل
فقد أوردت هذه الصحيفة المعنية خبرا مفاده أن عدد السجناء في السودان الذين يتم تسجيلهم سنويا في السجون السودانية يبلغ حوالي تسعة ملايين وسبعمئة ألف سجين في مختلف الجرائم
يعني بالعربي كده 10 مليون إلا شويه
وإذا جينا نحللها بنلقى إنه 10 مليون دي من أصل 30 مليون نسمه وهو عدد سكان السودان تقريبا بتعني إنه العدد بيمثل تلت الشعب السوداني
وإذا افترضنا إنه 10 ملايين أخرى تمثل العجزه والأطفال في السودان
أي أن حوالي 50% من الشعب السوداني يدخل السجون مرة واحدة على الأقل كل سنة...!!!
طيب إذا الخبر والإحصائية دي حقيقيه يبقى دي كارثه وطامه كبرى
فهل من المعقول أن نصف الشعب السوداني يعتبر من المجرمين...؟؟؟!!!
حسبي الله ونعم الوكيل
شخصيا أشكك في صحة هذه الإحصائية وأعتبرها إهانة جديدة من صحافة باهتة ضد الشعب السوداني
أصلا العدد فوق إمكانيات مصلحة السجون على ما أظن
وعلى هذه الصحافة الباهتة والغير مسؤولة أن تعطينا مبررا مقنعا أو اعتذارا صريحا لعامة الشعب السوداني
المصدر صحيفة الإنتباهة عدد يوم الثلاثاء 31 ديسمبر 2012م
!رايكم شنو في الكلام ده وبكل موضوعيه...؟
ليست هناك تعليقات:
إرسال تعليق