متأسفه...
ما كان أكون مفتونة بيك...
ما كان أجيك متلهفه...
إحساسي ليك جاك مندفع... بيك منبهر...
أدمن عيونك وآلفها...
كانت هواجسك ضد هواي...
متحفظه ومتخوفه...
وأحلامي بيك كانت سراب...
كانت طموحه ومترفه...
*****
متأسفه...
على كل لحظة وكل يوم...
لازمني طيفك واختفى...
على كل عهد قطعته ليك...
وانت العهود ما بتعرفها...
على كل موعد بين عيوني وبين بهاك...
لا صنته إنت ولا اتوفا...
*****
متأسفه...
أصلا غرامك بي وهم...
لا بينا حب...
لا بينا دم...
كان قصدي فيك الخير عشم...
لكن حنانك ما التزم...
أصل الحكاية بريق لمع...
وسط الدياجر واختفى...
لا همستك صبحت عزاي...
لا بسمتك كانت شفا...
*****
*****
ليست هناك تعليقات:
إرسال تعليق