عصار المفازه - من شعر الحماسة السوداني

شدّوا لك ركب فوق مهرك الجمّاح

ضرغام الرجال الفارس الجحجاح
تمساح الدميره الما بقتله سلاح
السُمّ النقوح في البدن نتاح
عصار المفازه للعيون كتاح
المال ما بهمّك إن كِتر و إن راح
*********

بطنا جابتك و الله ما بتندّم
يا أسـد الكداد في خلاك رزمّ
يا رعد الخــريف الفي سماك دمدم
بابك ما انقفل نارك تجيب اللمّ
و ما بتعزم تقول غير أستريح حرّم
*********

أبواتك قبيل بحلوا للعوجات
مطمورتك تكيل للخاله و العمات
للجود والكرم إيديك دوام بارزات
يا أب قلبا حديد فى الحوبه (الحاجه) ما بتنفات
********

عينيك يا الصقر فى الحاره ما بتنوم
صدرك للصعاب دايما بعرف العوم
لا بتتـلام لا بتـعرف تجــيب اللوم
ود ناسا عزاز جمعـوا المكارم كوم

********