سودانيه نحنا – فخر سوداني عامي جميل

ديل سودانيه نحنا...
أنحنا من الفخار يكفينا...
لابسين الفضايل زينه...
أنحنا برانا بالحاصل نوري الفينا...
نحكي نبانا للدايرنا والمابينا...
أنحنا حقيقه أصل النخوه من تبينا...
في حب الوطن ولدونا واتربينا...
الناس والزمن عارفه الصفات الفينا...
سكان القبور تشهد شرف ماضينا...
وافين للذمم صادقين نفوسنا أمينه...
صبارين علي المن الإله بتجينا...
قدام الضيوف فد مره ما اندسينا...
بندي مالنا عشيمنا وما بنقول أدينا...
البينا استجار بنفديه بي ماضينا...
والمغرور بنقهره بالوجوه الشينه...
أول ما نحاسنا يدق ترانا بقينا...
تتعكر ملامحنا ويصدي وشينا...
ونعدم نقطة الدم التسيل في حينها...
حتى جنود سليمان إن غشانا نهينا...
معروفين قبيل شجرة أساسنا متينه...
أحرار في النسب طينتنا أشرف طينه...
حلوين للبدورنا والبجي يعادينا...
نجعل كل يوم وجبة عشاه غبينه...
سمحين للبدورنا والبجي يعادينا...
نجعل كل يوم وجبة عشاه غبينه...
ديل سودانيه نحنا...