أحبك ما هي مزوحي - كلمات: عاشق الإمارات

عشقتك يا ضنا روحي

واريدك دوم متقرِّبْ

ولكن ضاع مربوحي

وروحي منك تتعذِّبْ

حسبتك طبِّ لجروحي

وانا الميهود والمتعبْ

غزير الدَّمعِ مسفوحي

وخدِّي بالبكا اتخضَّبْ

سِكَّت وروحي تنوحي

وفي الهُوجاسِ تتقلَّبْ

وانا بالعشقِ مفضوحِي

ووضعي ما هو بطيِّبْ

تراني عنك ما اشيحِي

ولو عقيتني بكهربْ

شراتي دايم يصيحِي

ومن سمِّ الهوى يشربْ

واذا ما ياك مصلوحِي

تراني منك متصوِّبْ

سواتك عذَّبت روحِي

واحس الوضع مستصعبْ

ولو بتقول مذبوحِي

تراني منك ما أغضبْ

أنا المعتدِّ بطموحِي

ولا شيٍ معي يصعبْ

وعندك ضافي شروحِي

وحسنك يا الغضي يعجبْ

غناتي عودي وفوحِي

ويا المشراقِ والمغربْ

أبيك اليوم لا تروحي

وتترك عيني وتذهبْ

أحبِّك ما هي مُزوحي

وما هي قولة تكذبْ

وإذا قفِّيتِ مسموحِي

ومثلي في الهوى مجرِّبْ