يا غاليه يا ريدي
الكبيرْ
أنا والله محتاج ليك كتيرْ
أنا بيك ممتن للظروفْ
ومعاكِ ما بحذر مصيرْ
يا ريم وجافل في الخيالْ
يا بدر في الإظلام مُنيرْ
وريني كيف بس أوصفكْ؟!
يا ورده تسكر بالعبيرْ
وريني
كيف أرسم هوايْ؟!
واتلوهُ بالصَّوت الجهيرْ
البان قوامك أفحمه
والخد تلاعب بالحريرْ
والجيد مملس كالشُّموع
وسبيبك الموج الغزيرْ
والفاطر البيلمع برقْ
كالدُّر مُنضَّد ومستديرْ
إن قمتِ قام الكون طربْ
وان فتِ فات الرِّيد حسيرْ
الصَّنْدل النَّفس البيطلع
والوجنه زي روضًا نضيرْ
والنَّظره تجرح كالسهامْ
والهدب كالأسياف خطيرْ
قيدتيني بريدك زمانْ
وأنا لسه في دنياك أسيرْ
سبحانه من أهداني ليك
يا نعمه من ربي القديرْ
وشحدته يحفظ لي هواي
وأبقابه في دنياك جديرْ
حلو شديد يديك العافية
ردحذفحلو شديد يديك العافية
ردحذف